Зохиомж их сургуулийн үйл ажиллагааг өндрөөр үнэлж боловсролын магадлан итгэмжлэлийн үндэсний зөвлөлийн дээд боловсролын магадлан итгэмжлэх комиссын 2024 оны 2-р сарын 14 -ний өдрийн 01 тоот тогтоолоор 5 жилийн хугацаанд магадлан итгэмжлэгдлээ.
Хүн бүрийн зүрх сэтгэлд гэрэлт ирээдүйн хүсэл мөрөөдөл бий. Бүгд сайхан амьдрал, хайр, нэр төрийг эрхэмлэдэг. Тэр бүгдийг бий болгох үндэс нь сайн боловсрол, хэрэгтэй мэдлэг, ашигтай чадвар байдаг.
Та, суралцаж бэрхшээлийг даван туу туулснаар, илүү дээр маргаашийг бүтээнэ. Сурсан мэдсэн бүхэн тань таны үнэт зүйл. Өнөөдөр та маргаашийн өөрийгөө бий болгож, ирээдүйн үнэ цэнээ тодорхойлж байгаа. Иймд мэргэжлээ ухаалаг сонгож, уйгагүй хичээл зүтгэлээр сонгосон мэргэжилдээ эзэн болж, өөртөө хөрөнгө оруулалт хииж, ирээдүйгээ өөрчилцгөөе.
Эрдэм сурах, санасандаа хүрэх хоёр л, энэ насны жаргал хэмээсэн яруу найрагч Р. Чойномын үгийг ишилсу.
Ректор
Монгол Улсын Гавьяат Багш, доктор Д. Энхжин
АЛСЫН ХАРАА
Олон улсын стандартад нийцсэн сургалт, судалгаа, бүтээмжийн нэгдмэл хөгжлийг хангасан их сургуулийн кампус хэлбэрээр хөгжинө.
ЭРХЭМ ЗОРИЛГО
Монгол улсын нийгэм, эзийн засгийн хөгжилд түүчээлэх, дэвшилтэт шинэ бүтээмж, судалгаа, инновацийг хөгжүүлэх хэрэгжүүлэх чадвартай, олон соёлыг хүндэтгэдэг ёс суртахуунтай мэргэжилтэн судлаач бэлтгэнэ.
БИДНИЙ УРИА
БИД ШИНЭ ҮЕИЙН ТҮҮХИЙГ БИЧНЭ
Энэ онд Зохиомж дээд сургууль нэртэйгээр шинээр байгуулагдан үйл ажиллагаагаа эхлүүлэв. Манай сургууль нь боловсролын салбарт шинэ чиг хандлага, хөтөлбөрийг нэвтрүүлэх зорилготой юм. Сургалтын үйл ажиллагааг чанартай, орчин үеийн арга зүйд тулгуурлан явуулахаар төлөвлөжээ. Мэргэжлийн чадварлаг багш, судлаачид сургалт, судалгаанд оролцох юм. Ийнхүү Зохиомж дээд сургууль нь оюутан залуусын мэдлэг, чадварыг хөгжүүлэхэд хувь нэмэр оруулахыг зорьж байна.
Манай сургууль анх 2005 онд БМИҮЗ-ээс магадлан итгэмжлэгдсэн. Үүний дараа 2012 онд дахин магадлан итгэмжлэл авснаар үйл ажиллагааныхаа чанар, стандартыг баталгаажуулсан. 2024 онд гурав дахь удаагаа БМИҮЗ-ээс магадлан итгэмжлэгдэж, тогтвортой хөгжиж буйгаа нотолсон. Эдгээр магадлан итгэмжлэлүүд нь сургалт, удирдлага, чанарын тогтолцоо шаардлагад нийцэж буйг илэрхийлдэг. Ийнхүү БМИҮЗ-ээс гурван удаа магадлан итгэмжлэгдсэн нь байгууллагын нэр хүнд, итгэлийг нэмэгдүүлсэн чухал үзүүлэлт юм.
Манай сургууль ACBSP олон улсын магадлан итгэмжлэлийн байгууллагын гишүүн болсон. Энэхүү гишүүнчлэл нь бизнесийн боловсролын чанарыг олон улсын түвшинд хүлээн зөвшөөрөгдөж буйг илэрхийлдэг. ACBSP нь сургалтын хөтөлбөр, удирдлага, чанарын баталгаажуулалтад өндөр шаардлага тавьдаг байгууллага юм. Гишүүн болсноор олон улсын шилдэг туршлага, стандартуудыг үйл ажиллагаандаа нэвтрүүлэх боломж бүрдсэн. Энэ нь байгууллагын өрсөлдөх чадвар, олон улсын хамтын ажиллагааг өргөжүүлэхэд чухал ач холбогдолтой.
Монгол Улсын Боловсролын сайдын А/297 дугаар тушаалаар тус байгууллага Зохиомж их сургууль болсон. Энэхүү шийдвэр нь сургалт, судалгаа, удирдлагын чадавхыг хангалттай түвшинд хүрснийг баталсан юм. Ийнхүү дээд боловсролын байгууллагын статус ахиж, их сургуулийн хэмжээнд үйл ажиллагаа явуулах эрхтэй болсон. Энэ нь хөтөлбөрийн төрөлжилт, судалгааны ажлыг өргөжүүлэх боломжийг бүрдүүлсэн. Улмаар үндэсний хэмжээнд нэр хүнд, итгэл нэмэгдэх чухал алхам болсон.
Сургуулийн зориулалттай 2 сургалтын байр, багш, оюутны байр ашиглалтанд орж, техник технологийн инновацийг нутагшуулан кампус сургууль хөгжүүлэх төлөвлөгөө хэрэгжүүлж байна.
Зохиомж их сургуулийн үйл ажиллагааг өндрөөр үнэлж боловсролын магадлан итгэмжлэлийн үндэсний зөвлөлийн дээд боловсролын магадлан итгэмжлэх комиссын 2024 оны 2-р сарын 14 -ний өдрийн 01 тоот тогтоолоор 5 жилийн хугацаанд магадлан итгэмжлэгдлээ.
