ОЮУТНЫ ХӨГЖИЛ ХӨТӨЛБӨР

НЭГ. ХӨТӨЛБӨРИЙН ҮНДЭСЛЭЛ, ХЭРЭГЦЭЭ:

            Монгол улсын засгийн газрын 2016-2026 онд хэрэгжүүлэх үйл ажиллагааны хөтөлбөр, засгийн газрын 2016 оны 178 дугаар тогтоолоор батлагдсан “Орлоготой оюутан” үндэсний хөтөлбөр, Сургуулийн 2016-2026 оны хөгжлийн стратеги зорилтод оюутан суралцагчдын хөгжих, хөдөлмөрлөх, нийгмийн оролцоо хариуцлагыг нэмэгдүүлэх, төгсөөд ажлын байраар хангагдахад дэмжлэг үзүүлэх зорилгоор “Оюутны хөгжил” хөтөлбөрийг хэрэгжүүлнэ.

            Монгол Улс, бүс нутаг цаашлаад дэлхийн хэмжээнд дээд боловсрол болон олон улсын шалгуур, стандарт боловсронгуй болж сургалт судалгааг олон улсын түвшинд хүргэх зорилтууд тавигдаж байгаа энэ үед бид өөрийн чиг хандлагаа өөрчилж, нийгэмд эерэг өөрчлөлтийг бий болгож, хувь хүний хөгжлийн ур чадвараа нэмэгдүүлж, идэвх санаачлагатай, ёс суртахуунтай, итгэл үнэмшил бүхий манлайлагч эерэг оюутан байхыг энэ цаг үе шаардаж байна.

ХОЁР. ХӨТӨЛБӨР ХЭРЭГЖҮҮЛЭХ ЗАРЧМ:

• Оюутан нь хөтөлбөрийн зорилго алсын харааг ойлгон өөрийн оролцоог тодорхойлон суралцах үйлсэд амжилт гаргах;
• Оюутны нийгмийн бүхий л хүрээнд эрх тэгш оролцох боломжоор хангаж, нас, хүйс, арьсны өнгө, боловсрол, иргэний харяалал, үндэс угсаа, шашин шүтлэг, итгэл үнэмшил, бэлгийн чиг хандлага, оюун ухаан бие махбодын чадвараар ялгаварлан гадуурхагдахаас ангид байх нөхцөлийг бүрдүүлж, тэдний эрхийг хүндэтгэн сурах, хөгжил боломжоор хангах;
• Хөтөлбөрийн хэрэгжилтийг “Алсын хараа 2050” Монгол улсын урт хугацааны хөгжлийн бодлого, “Төрөөс хүн амын талаар баримтлах бодлого”, “Залуучуудын хөгжлийг дэмжих дэд хөтөлбөр” , “Төрөөс боловсролын талаар баримтлах бодлого”, “Орлоготой оюутан” үндэсний хөтөлбөр, “Залуучуудын хөгжлийг дэмжих тухай хууль” зэрэг баримт бичгүүдтэй нягт уялдуулах

ГУРАВ. ХАМРАХ ХҮРЭЭ:

            БСЭДС-ийн Оюутнууд

         БСЭДС-ийн төгсөгчид

ДӨРӨВ. ХӨТӨЛБӨРИЙН ЗОРИЛГО:

            БСЭДС-ийн оюутныг эх оронч үзэлтэй, нийгмийн хариуцлагатай, харилцааны ёс зүйтэй, эзэмшиж буй мэргэжил нь, академик боловсролыг хүртээмжтэйгээр нэмэгдүүлсэн эерэг өөрчлөлтийг бий болгох замаар амьдрах ухааны чадвартай, мэргэжилдээ эзэн болсон эрүүл чийрэг, ёс суртахуунтай иргэн болгон төлөвшүүлэхэд оршино.

ТАВ. ХӨТӨЛБӨР ХЭРЭГЖИХ ХУГАЦАА:

2021-2024 он дуустал 4 жилийн хугацаанд хэрэгжүүлнэ.

ЗУРГАА. ХӨТӨЛБӨРИЙН ЗОРИЛТ:

6.1. Зорилт-01. “Орлоготой оюутан” үндэсний хөтөлбөрийг нэгдсэн бодлого төлөвлөгөөтэй уялдуулан хэрэгжүүлж, оюутны зохистой хөдөлмөр эрхлэлт дэмжинэ.

6.2. Зорилт-02. “Эрүүл оюутан” Оюутан суралцагчдад хорт зуршилгүй, эрүүл амьдрах зан үйлийг төлөвшүүлж, тэдэнд ээлтэй эрүүл мэндийн үйлчилгээний хүртээмжийг нэмэгдүүлэх.

6.3. Зорилт-03. “Оюунлаг оюутан” Оюутан нь үндэсний болон олон улсад өрсөлдөх чадвартай иргэн болгон төлөвшүүлнэ.

6.4. Зорилт-04. “Хариуцлагатай оюутан” Оюутан бүр эх дэлхийгээ хайрлан хамгаалж, хүмүүнлэгийн үйлс болон сайн дурын ажилд идэвх санаачлагатай байх

ДОЛОО. ХҮРЭХ ҮР ДҮН:

7.1.1 “Орлоготой оюутан” үндэсний хөтөлбөрийн хүрээнд Емарт, CU сүлжээ дэлгүүртэй хамтарч. “Оюутны хөдөлмөрийн бирж”-ийн үйл ажиллагааг тогтмолжуулна.

7.1.2 БСЭДС-ийн оюутны боловсрол, соёл, урлаг, спортын ололт амжилт өссөн байна.

7.1.3 Оюутан суралцагчид хорт зуршилгүй эрүүл амьдрах зан үйлийг төлөвшүүлэн, тэдэнд ээлтэй эрүүл мэндийн үйлчилгээний хүртээмжийг нэмэгдүүлсэн байна.

7.1.4 Оюутан суралцагчидыг эх орон үзэл, харилцааны ёс зүй нэмэгдэж, амьдрах ухааны чадвартай, нийгмийн хариуцлагатай иргэн болсон байна.

7.1.5 Оюутан суралцагчид эх дэлхийгээ хайрлан хамгаалах, уламжлалт ёс заншлаа дээдлэх, зөв дадлыг эзэмшсэн байна.

НАЙМ. ХӨТӨЛБӨРИЙН ҮЙЛ АЖИЛЛАГААНЫ ЧИГЛЭЛ:

8.1 “Орлоготой оюутан” үндэсний хөтөлбөрийг хэрэгжүүлэх зорилтын хүрээнд:

8.1.1 “Орлоготой оюутан” үндэсний хөтөлбөрийн хүрээнд Хөдөлмөр халамжийн үйлчилгээний газартай хамтран үйл ажиллагааг тогтмолжуулна.

8.1.2 Ажил эрхлэх хүсэлтэй оюутнуудад ажил мэргэжилийн чиг баримжаа олгох сургалтыг зохион байгуулна.

8.1.3 Оюутан суралцагчдаас гарсан шинэ санал санаачлага төсөл хөтөлбөрийг дэмжиж “Стар ап” хөтөлбөрт зуучлах.

8.1.4 Оюутанд “Санхүү, интерпренёржин” сургалтыг зохион байгуулна.

8.2 “Эрүүл оюутан” Оюутан суралцагчидад хорт зуршилгүй, эрүүл амьдрах зан үйлийг төлөвшүүлж, тэдэнд ээлтэй эрүүл мэндийн үйлчилгээний хүртээмжийг нэмэгдүүлэх зорилтын хүрээнд:

8.2.1 Оюутан бүрийг хорооны эрүүл мэндийн төвд харъяалалтай болгож, урьдчилан сэргийлэх үзлэг, шинжилгээнд тогтмол хамрагдуулна.

8.2.2 Оюутан суралцагчидад нөхөн үржихүйн эрүүл мэндийн боловсрол олгоно.

8.2.3 Тусгай хэрэгцээт оюутан суралцагчдад ээлтэй орчинг нэмэгдүүлнэ.

8.2.4 Оюутны Спортын их наадам зохион байгуулна.

8.2.5 “Эрүүл төлөв-Good Mood” урлаг соёлын үйл ажиллагааг зохион байгуулна.

8.2.6 Оюутны Урлагийн наадмыг жил бүр уламжлал болгон зохион байгуулна.

8.2.7 Эрүүл мэндийн газартай хамтран Бэлгийн замаар дамжих халдварт өвчнөөс урьдчилан сэргийлэх нэвтрүүлэг, контетудыг хэвлэл мэдээлэл, нийгмийн сүлжээгээр сурталчилан, таниулах ажлыг тогтмолжуулна

8.2.8 Оюутан суралцагчдын дунд спортын уралдаан тэмцээнийг жил бүр зохион байгуулна

8.3 “Оюунлаг судлаач оюутан”- Оюутан үндэсний болон олон улсын хэмжээнд чадвартай иргэн болон төлөвшүүлэх зоилтын хүрээнд:

8.3.1 Оюутны дунд “Амьдрах ухааны чадвар олгох сургалт” болон “Гэр бүл төлөвлөлт” “Жендэрийн тухай ойлголтууд”, “Хувь хүний хөгжлийг дэмжсэн сургалтуудыг үе шаттайгаар зохион байгуулна.

8.3.2 Оюутан суралцагчдад хууль эрх зүйн мэдлэг олгох, гэмт хэрэг зөрчлөөс урьдчилан сэргийлэх сургалтыг цагдаагийн байгууллагатай хамтран хэрэгжүүлнэ.

8.3.3 Манлайлагч оюутанд сургалтын төлбөрийн тэтгэлэг олгоно.

8.3.4 Оюутны эрдэм шинжилгээний бага хурлыг жил бүр зохион байгуулах.

8.3.5 Олон улсын хэл соёлыг сурталчлан таниулах ажлын хүрээнд “Гадаад дууг хэн сайн дуулах вэ?” урлаг соёлын үйл ажиллагааг зохион байгуулах.

8.4 “Хариуцлагатай оюутан” оюутан бүр эх дэлхийгээ хайрлан хамгаалж, хүмүүнлэгийн үйлс болон сайн дурын ажилд идэвх санаачлагатай байх зорилтын хүрээнд:

8.4.1 “Минимал соёл аян хэрэгжүүлнэ.

8.4.2 “Хөөсний баяр” цэвэрлэгээг оюутан суралцагчдад дунд жилд 2 удаа зохион байгуулах

8.4.3 “Оюутан цэрэг” төсөл, хөтөлбөрийг холбогдох төрийн байгууллагатай хамтран жил бүр зохион байгуулна.

8.4.4 Сургуулийн гадна дотор орчноо тохижуулна.

8.4.5 Улаан загалмай нийгэмлэгтэй хамтран жил бүр 12сарын1нд сайн үйлсийн аяныг зохион байгуулна

8.4.6 Оюутан суралцагчдын дунд үндэсний түүх соёлоо түгээн дэлгэрүүлнэ.

8.4.7 Оюутнуудын харилцааан дахь шууд  болон шууд бус ялгаварлан гадуурхалт, хүчирхийллийн дарамтад өртөж байгаа мэдээллийг илрүүлэх, хяналт тавих нөлөөллийн арга хэмжээ зохион байгуулах

8.4.8 Эх дэлхий хүрээлэн буй орчноо судалж, хайрлаж, хамгаалах дадал олгоно. “Эко аялал” зохион байгуулна.

ЁС. ХӨТӨЛБӨРИЙН САНХҮҮЖИЛТ:

9.1 Сургууль ААН байгууллагын хандив.

9.2 Төрийн болон төрийн бус байгууллага, иргэний нийгмийн байгууллага, аж ахуйн нэгж, иргэдийн тусламж, хандив.

9.3 Бусад эх үүсвэр

АРАВ. ХЯНАЛТ, ШИНЖИЛГЭЭ ҮНЭЛГЭЭ:

10.1 Сургуулийн захиргааны тушаалаар ажлын хэсэг байгуулж хөтөлбөрийн гүйцэтгэнэ.

10.2 Оюутны өөрөө удирдах байгууллагатай хамтран хяналт шинжилгээ үнэлгээ жил бүр хийнэ.

10.3 Оюутны хөгжил хөтөлбөрийн хэрэгжилтэд оролцогч талуудын оролцоог ханган үнэлүүлж, сэтгэл ханамжийн судалгааг “Хариуцлагатай оюутан” Оюутан бүр эх дэлхийгээ хайрлан хамгаалж, хүмүүнлэгийн үйлс болон сайн дурын ажилд идэвх санаачлагатай байх.

“Хариуцлагатай оюутан” Оюутан бүр эх дэлхийгээ хайрлан хамгаалж, хүмүүнлэгийн үйлс болон сайн дурын ажилд идэвх санаачлагатай байх.